060214 情人節快樂

上星期四, 約了16位小學同學吃飯聚舊, 非常高興 :D (妳冇黎到, 真係可惜ar~~) 大家整晚滔滔不絕, 14人吃12人套餐竟然剩得滿桌飯菜, 也許等位等得太久, 不懂得餓. 這晚出席的還有2位畢業後就基本上沒碰過面的同學, 哇! 十三年後再見, 哇!
吃完飯已11.30pm, 意猶未盡, 本小姐拍板去卡啦OK, 一番考慮游說慫恿拖拉之後, 竟然亦有12人陪我癲, 呵呵很很很高興, 玩到半夜4點才走 :) 不過, 事後卻給家姐罵我不理別人感受, 他們第二天還是要上班的. 嘻嘻, 在此向各位勇士致歉&謝!! 後會有期--
有同學快要結婚了, 恭喜哂!!! 你---好---MAN! 是真的.

不知道他們第二天上班的情況如何? 不過本小姐亦不是很好過... 感冒菌影響腸胃, 嘔嘔...... 然後下午還預約了時間脫掉兩顆親愛的智慧齒! wuuwuwuwuuwuwuuuuu "大少少個口丫,, 係嘞~"... "係會有少少唔舒服嫁喇--"(其實好痛!)... "姑娘 SUCTION!"... "放鬆, 放鬆--"...... 過程足有45分鐘, 最怕聽到的是"SUCTION!" 老天, 我失了很多血麼!?! 安慰自己, 痛苦一星期免後顧之憂...~~ 聯想生仔是十級痛的第十級!?! well算了, 那是不能想像.

然後是連續四天沒吃飽. 只能用一邊牙咀嚼, 很累, 口亦不能張得很大. 況且牙痛, 都沒心情吃. 回港後增的, 四天內回吐, 條數ba左!

今天情人節, 和臨時情人由旺角經廟街行到佐敦尖沙咀, 很足夠 :)
默契無價.

060202 dearest old friend

六歲, 經家姐介紹, 識左你. 然後日日都要和你玩, 到唔想玩都要玩, 爸爸媽媽話, 要堅持喎. 堅持到中七, 日日同你"談心"十三年, 我得到了我想要的, 然後環境亦唔容許, 唔可以再日日同你見面喇.
久別重逢, 琴日同你詳談兩小時, 你冇變, 但我變了. 以前, 你陪我喜陪我悲, 今日, 步伐不再一樣了 :( :( :( sigh...... 驕傲變失落. 有一日, 我地實會同以前一樣ga, 我唔會放棄ga, 等我呀~~
ps 只恐怕和你熟絡後, 我又會急不及待另結新歡, 嘿嘿!

060131 狗年到

雞年一眨眼就過去了, 狗年到喇! 祝各位身體健康, 心想事成~~
本命年, 似乎真的如某某所講, 很多變化. 說的不止我, 還有我的一堆朋友. 嗯... 好的, 壞的, 都過去喇, 新的一年, 希望我們都找到自己的方向.
新年願望一, 和新年願望二, 還有長年願望, 哈哈, 係咁多.
加油!

過年前的節目排得密密麻麻, 過年後的schedule還待定, 但有很多"拍拖債"未還呀, hooho~